5 réalta ag dul ar ais chuig an Ghaeltacht le sraith nua RTÉ 11 months ago

5 réalta ag dul ar ais chuig an Ghaeltacht le sraith nua RTÉ

Tá leagan Béarla den alt seo anseo.

Le céilí mór agus scrúdú béil, chomh maith.

Advertisement

Do fórmhór daoine, is é áit lán cuimhne maith í an Ghaeltacht - an chéad póg, an damhsa deirneach, agus aimsir sáchmhaith.

I sraith nua RTÉ Réaltaí na Gaeltachta, cuireadh cúigear a bhfuil aithne mhór orthu chuig coláiste Gaeilge Choláiste Bhríde i Rann na Feirste i gcroílár Ghaeltacht Dhún na nGall chun aghaidh a thabhairt ar an dúshlán an Ghaeilge a fhoghlaim arís.

Chaith Des Cahill, Craoltóir Spóirt, Amanda Brunker, scríbhneoir, Fred Cooke, fuirseoir, Oisín Mullin peileadóir CLG as Maigh Eo a imríonn Peil na hAstráile anois agus Lauren Whelan an réalta TikTok seachtain amháin ina gcónaí le Bean an Tí agus ag dul chuig na ranganna agus na céilithe agus ag déanamh obair bhaile, díreach mar a dhéanfadh scoláirí cearta!

Beidh an scrúdú mór ag fanacht leo ag deireadh na seachtaine: an mbeidh dóthain Gaeilge acu le bheith ina Réaltaí na Gaeltachta?

Advertisement

Beirfidh siad leo a gcuid cóipleabhar agus pacálfaidh siad a gcuid málaí agus déanfaidh a mbealach chuig ceann de na coláistí Gaeilge is mó le rá in Éirinn - Coláiste Bhríde, Rann na Feirste, áit a gcaithfidh siad seachtain amháin faoi chúram na múinteoirí agus na mban tí agus iad ag fáil taithí iomlán ar shaol an scoláire, é sin ar fad trí Ghaeilge.

Faoi threoir an Mhúinteora Niall Ó Sluain agus le cúnamh mhuintir na háite, tumfaidh an cúigear scoláirí iad féin i dtaithí an choláiste samhraidh.

Leanfaidh na scoláirí clár ama an choláiste gach lá - ranganna ar maidin le Múinteoir Niall agus Múinteoir Méabh agus beidh siad gnóthach sa tráthnóna le gníomhaíochtaí traidisiúnta an choláiste - amhránaíocht, damhsa agus cadhcáil fiú chomh maith.

Advertisement

Ag deireadh na seachtaine beidh gach scoláire ag fáil faoi réir don scrúdú béil chun an feabhas atá tagtha ar a gcuid Gaeilge a fháil amach.

Idir ranganna gramadaí agus rólimirt, rachaidh na scoláirí i ngleic leis an saol sa choláiste Gaeilge agus rachaidh siad i dtaithí ar bheith ag roinnt seomra, ar bheith ag ithe béilí ag amanna ar leith agus ar bheith ag leanúint rialacha an tí. An

Le cúnamh ón Múinteoir Ceoil Hugh agus ón ealaíontóir áitiúil Morag, díreoidh na scoláirí ar an gceolchoirm ag deireadh na seachtaine.

Bí ag féachaint ar an tsraith nua de Réaltaí na Gaeltachta Dé Máirt an 28 Feabhra ag 7.00pm ar RTÉ One agus ar an RTÉ Player.

Advertisement